İlk yaz ayınıñ 6-nda Kıyivde Qurban bayramı qayd etilecek, o, acılıqnıñ (Mekke ziyareti) yekünlengenini qayd ete. Bunı Qırımtatar Milliy Meclisi Facebook saifesinde bildirdiler.
"Evel-ezelden Qırımda qayd etilgen bayramnı azırlaylar: cemaatnen saba namazı, bayram ziyafetleri, balalar içün bahşışlar, tatlılıqlar yarmalığı ve ustalarnıñ eserleri, balalar içün eglenceler ve ustalıq dersleri, spektakl ve ananeviy küreş olacaq", — dep aytıla haberde.
İlk yaz ayınıñ 6-nda saba saat 8-de Berestey caddesiniñ 67/1 adresi boyunca yerleşken camide cemaat namazı qılınacaq. Bundan soñ musafirlerni azbarda programma bekley, hususan, Qurban Bayramınıñ medeniyetine bağışlanğan lektsiya ve ekskursiya olacaq.
Qurban bayramı – musulmanlarnıñ eñ büyük bayramlarından biri olıp, Mekkege acılıqnıñ soñuna kelgenini temsil ete. Oraza Bayramından 70 kün keçken soñ qayd etile.
Qurban Bayramı büyük meydanlarda cemaat ile qılınğan bayram namazından başlana ve ondan soñ qurban çalına. Bu ananeniñ tamırları Allahnıñ İbraim peyğamberge oğlu İsmailni qurban ketirmege bermeyip, qoynı kesmege buyurıp toqtatqanından kele.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
