İstanbulda Çiragan sarayında Ukrayina ve Rusiye eyyetleri arasında muzakereler olıp keçti. Körüşüv bir saattan ziyade devam etti.
Ukrayina prezidenti Volodımır Zelenskıy muzakereler neticesinde Türkiye tarafından vesiqalar deñiştirildi, esirlerni deñiştirmek azırlanıla, dep bildirdi. Ukrayina eyyetiniñ yolbaşçısı, mudafaa naziri Rustem Ümerov, söz, ağır hasta arbiy esirlerniñ ve 25 yaşına qadar insanlarnıñ deñiştirilüvi aqqındadır, dep bildirdi. Onıñ aytqanına köre, ateş toqtatılması ve memleketlerniñ liderleriniñ körüşüvi aqqında añlaşma tizilmedi.
Prezident ofisiniñ yolbaşçısı Andriy Yermak, Ukrayina Rusiyege qaytarılmaq kerek olğan balalarnıñ cedvelini berdi, dep bildirdi. "Rusiye tarafından qanunsız sürgün etilgen, mecburen köçürilgen ya da vaqtınca işğal etilgen topraqlarda tutulğan yüzlernen bala aqqında söz yürsetile. Saban ayında Cidde körüşüvinde biz gumanitar qısmı ile 30 künlik ateş toqtatılmasına azır olğanımıznı tasdıqladıq", — dep yazdı o.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
