ABD prezidenti Donald Tramp Türkiye prezidenti Recep Tayyip Erdoğannıñ Rusiye ve Ukrayina yolbaşçılarınıñ barışıq muzakerelerini keçirmek davetini qabul etmege azır, lâkin muzakereler masası başında prezident Vladimir Putin ve Volodımır Zelenskıynıñ oturması müimdir. Bu aqta Beyaz ev bildirdi.
"Prezident buña azır olğanını ayttı, lâkin eki liderni ve eki tarafnı beraber masa başına oturtmaq istey", — dep ayttı jurnalistlerge Beyaz evniñ matbuat kâtibi Karolin Livitt.
Bazarertesi künü Rusiye ve Ukrayina arasında muzakerelerden soñ Türkiye prezidenti, Putin, Tramp ve Zelenskıynıñ körüşüvini İstanbulda ya da Ankarada keçirmek istegenini qayd etti.
Erdoğan İstanbulda keçirilgen Rusiye-Ukrayina muzakerelerini "mükemmel" dep adlandırdı ve Türkiye sammitniñ teşkil etilmesi boyunca teşebbüsler ile çıqışta bulunmaqnı planlaştırğanını qayd etti.
Zelenskıy daa evel körüşüv teklifine qol tutqanını bildirip, körüşüvden soñ ateş toqtatılacağına ümüt etmegenini qayd etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
