İlk yaz ayınıñ 2-ne keçken gecesi Rusiye arbiyleri Ukrayinağa 80 "Şahed" tipindeki ücüm dronu ve çeşit pilotsız uçaqlar, em de üç "İskander-M/KN-23" ballistik raketası ve bir "İskander-K" qanatlı raketası ile ücüm etti, dep haber ete Ukrayina Arbiy ava quvetleri.
Haberge köre, ava darbesiniñ esas yönelişleri Harkiv, Çerniğiv, Donetsk ve Herson vilâyetleri edi.
Saat 08:30-ta berilgen malümatqa köre, ava mudafaası quvetleri tarafından memleketniñ şarqında, cenübinde ve şimalinde duşmannıñ 52 avadan ücüm vastası yoq etilgen: Şahed tipindeki 15 duşman UAV-sı ateş vastası ile urulıp tüşürildi, 37-si REB vastaları ile yoq etildi", — dep haber etile.
Rusiye arbiyleri Ukrayina regionlarına ücüm etmek içün çeşit silânı sıq-sıq qullana.
Rusiye akimiyeti, Rusiye ordusı, tam kölemli cenk vaqtında, Ukrayina şeerleri ve köyleriniñ grajdan infrastrukturalarına, tınç sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
